Wa khlaad ka manbei nei chah riñ bordiñ; ujor mukotduma ka MHRC

Shillong: Ka Meghalaya Human Rights Commission, Shillong wa khlieh da u Chairperson (Acting), u P. J.P. Hanaman wa ka Judicial Member, ka B. Giri da ujor Suo Moto Case ki hajrong ka khubor wa mih ha ka 10 tarik uni u bnai hadien wa chah riñ bordiñ kawi ka manbei hadooh wa khlaad ko ha Tura.

Ka Commission da ong ko wa ini i yap kani ka bru toh nei khalær i rukom krehkaam ka Meghalaya Power Distribution Corporation Ltd. (MePDCL) kawa toh u pait ya i saam bordiñ ha ka jylla.

Neiliang ka Commission da e Notice ko leh cha ka sorkar jylla wa ka Meghalaya Power Distribution Corporation Ltd. (MePDCL) hajrong ini i jia.

Kani ka manbei kawa tip kam ka Hensolin D. Sangma, toh kawa em ar ngut ki khon wei da khlaad ko hadien wa chah riñ ko ha ki sainar bordiñ 33 KV heipor wa dang thwat khloo thwat sla pachor ko.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Commission da phah ko ya ka sorkar jylla wow pynman takit hajrong ini i jia iwa da chim ya i mynsien ka bru wa dooh wei da paan ko ya ka bui na ka sorkar hapoh 30 sngi.