Ka JSU – Ummulong Unit da sñiawkhia ko hajrong i wym chna pyndep ya ki 3 tylli ki speedbreaker ha u sarokbah wa lai na Ummulong, West Jaiñtia Hills.
Neiliang ka seiñ da kyrpaad ko na ka PWD wow chna pyndep noh ya ki.
Ka seiñ da ong ko wa katkam wa man kattæ da boon ki kari, ki thuk-thuk wa ki truck wa kynthih manda poi ki ha kini ki speedbreaker neibhah ym em u e rong namo wym em ki Transverse Bar Marking iwa khana wa toh ki speedbreaker wei ini booh i hei maa ya ki kari kamjooh ki bru.
Kini ki Speedbreaker toh kiwa em ha Lad Ksehlakiang, hajan ka Ummulong CHC wa ha Ummulong Yung Dorbar Lumsooyung.
Kamtæ ka seiñ da kyrpaad ko ya ka PWD wow leh yeiwa emkaam khnang wow lait nei jia wa sñiawsih.
Discussion about this post