Wa pteiñ chna sarok ka Assam lai yachem DC ka Lapangap Khanduli Border Area Joint Action Committee

Jowai: Ynne ka sngi ka Lapangap Khanduli Border Area Joint Action Committee, da lai yachem ki ya u Deputy Commissioner ka West Jaiñtia Hills District u Garod LNS Dykes yow pynsñiaw ha oo wa ka Assam da pteiñ biang ko wow chna ya u sarok wa lai lyngba u pood ka chnong Lapangap chadooh Khanduli wa jrong kamwa 11 Km.

Da ong ki wa ha katai ka chna sarok ka Assam, boon ki thaw rep næ pynthor yong ki bru wa da chah pynpra nalor wa em leh ki moo kiwa da tyllung cha ki pynthor na i daw wa tih sarok.

U Chairman ka Lapangap Khanduli Border Area Joint Action Committee u Pyrkhatbha Pyrphet, da pyntip u wa i yachem yong ki wa u DC toh wow dawa pynsangeh ya i tih sarok, neibhah wa boon ki paaid warep da sñiawsih ki hajrong ini i chahktah yong ki, wei da ood da naam ki cha ka chnong kamjooh cha ka Committee.

Da ong u leh wa kam ki paaid wa chong chnong wa sah ha katai ka thaaiñ khappood em ki i syier i tieñ wa lada ka Assam ka yohlaad ko wow kreh ya u tai u sarok, ym dam de ko wow kam dooh yaki kyndaw ki chyiap ha katai ka thaw kiwa dang haap hapoh u pood u ang ka jylla Meghalaya.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u DC da kyrpaad u ya ki wow phah ya i thoh lyngba ka Dorbar Chnong deilang wa i ya soi pyrtuid ki tre thaw khnang yow leh ya iwa emkaam. 

U waheh chong ka Khanduli u Molin Ramut da pyntip u wa ya u tai u sarok, ka Assam da sdang chna ko nadooh kamwa 5 bnai chwa hadien wa da phah pynsangeh da sangeh ki chipor.