theme-sticky-logo-alt
theme-logo-alt
Advertisement ad1
Advertisement ad1

Wa pyrchah yei noh jhep, pynkrehkaam u DC da ka CrPC 144

U Deputy Commissioner ka West Jaiñtia Hills da pyntip u wa hadien wa i thaw noh jhep wa thymme wa pynemkaam ka Jowai Municipal Board (JMB) wa em ha Moochutsdai Mookabeng hajan ka chnong Sohphoh da pyrchah yeini neidaw wym leh katkam ka juk wa katni hawa noh yei jhep ha ini i thaw.

Hajrong ini, u DC ka District da pyntip u wa ha ka yalang wa da pynman ha ka 08-11-21 da chim ya ka rai wa ka JMB daw sdang noh ko wow noh jhep ha i thaw yong ki bru samen wa em ha Moochutsdai wei da ya soi soskular hapyrdi u tre thaw waka JMB ha ka 09-11-21.

Katkam ki kyndon, ka JMB da pynkit ha ka wow pyntikna wa i noh jhep da leh katkam ki kyndon wa biang.

Kamtæ yow pyntikna wym ktah yei suk i saaiñ ha kani ka thaaiñ neidaw wa pteiñ ki bru wow pyrchah hanla da dam wow noh jhep chi por. Neiliang u DC da pynkrehkaam u ya ka Section 144 Cr.PC deiwa pynbna ya kini ha wah:

Da khang wow pynman ya ki lai paidbah, ki yalang paidbah kiwa khlem da yoh bor, da khang leh wow yalang palat 5 ngut, u rah ya ki tiar pynmynsoo, ki dieñ, ki moo ha ki bynta wa em hajan ka thaw noh jhep ha Moochutdai-Mookabeng.

Da phah leh ya u Executive Officer ka JMB wow pyntikna wa ka Solid Waste Management Rules, 2021 wa iwa da pynbna ka Ministry of Environment, Forest & Climate Change ha ka 08-04-16 da booh ya ki thij hawa noh jhep ha kani ka thaw yow pyndooh yei khuslai wei artatien kiwa chong chnong.

Puræ leh: Chah beh ki truck ka JMB sa ha ka Elaka Nartiang Coordinate Committee na Thadmusem

Share this:
Previous

Da khut chimbynta ha ka T20 Cricket Tournament ha Ummulong

Next

Deiwa phah chithi cha u Conrad wa u Lahkmen pynman yakih kiwa sikai SSA