Heiyatoh wa i jia haap ka kari chapoh synrang hajan Rngaiñ hei miet ka 3 tarik uni u bnai heiwa da khlaad ki 5 ngut na ka jooh ka yung, da pyntip toh neidaw wa pyrchang u lai chakhmat namo wow chim Pass ya kawi ka Truck kawa em hakhmat.
Hawa khana heiyatoh wa ini wa jia, u Symbood Montri Rangbah uwa man leh u MLA ka Pynursla, u Prestone Tynsong da ong u wa katkam wa da pyntip na u SDPO wa SDO ka Pynursla, da ong wa ha itai i por kani ka thaaiñ da tymmoh da u lyoh wa rben, wei mar yapoi ha ka thaw wa em hajan wa ka Rngaiñ, ka kari wa em ki 5 ngut hapoh da pyrchang ki wow chim Pass tangwa da lai bait ko cha synrang.
Hawa kylli yei daw wym em booh ki dak næ wow kær yei rood sarok, u Prestone uwa man leh kam u Montri ka chnat PWD (Roads) da ong u wa barabor da yaklam wa ki bor wa pait yei kaam wei da phah wow kær wei wow booh ki dak.
Hawa kylli chooh chooh da ong u wa da phah ya ka yung krehkaam u SDO wow phah ya ka Report wei ya kattæ ym pu ye wow kular wow sai bait lutsan cha kini kiwa da khlaad.
Discussion about this post