Heiyatoh wa ka khubor wa da dep pynmih wa khlaad ki 3 ngut nei noh ka Truck cha riat, neiliang u SP ka East Khasi Hills da e khubor chooh u wa kani toh ka LP Truck kawa em Number ML-05G-9528 wa yah da u Yomiki Kharshandi (20 snem) wei da kit ko 12 tylli ki mooid kawa wan na Pynursla yow lai cha Laitlyngkot.
Kani ka Truck da sih ko ha Langkyrdem wei da pynchna ki ya ka.
Manda poi ko ha iwi i thaw wa dong wa tip kam i Khoh Yiar hajan ka laad Mawkhap wa em ha u sarok NH-40, da sahkut u Gear wei kani ka kari da sdang ko wow tlær chadien wei da noh ko chapoh riat.
Neiliang ki pulit da lai ki wut wut cha kani ka thaw heiwa da tip wa uwi u bru wa tip kam u Bansiew Khongklian uwa na ka chnong Phlangshlain da ye u wow paar hadooh wa poi cha sarok wei uwa yah ya kani ka Truck leh man u uwa dang im.
Kiwi won ki 3 ngut kitæ u Kyndaiborlang Kurbah, uwa na Kseh Mawnai, u Banpeitlang Marbaniang, na Nongshken Mawdang wa u Welbokstar Sohlang, uwa na Kseh Mawnai da khlaad ki pyn ha ini i thaw wa haap kani ka Truck.
Heiyatoh wa ini da takit da ka Pynursla Police Station.
Discussion about this post