Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) da poi ko cha ka sngi wa khat-san ynne deiwa pteiñ ya ki yakhun Pre-Quarter Final wa khaddooh da ar tylli.
Ha ka yalehke wa nyngkong, ka Mulang Ialong da jop ko yaka Luti Tuber Ialong da 2-0 lyngba ki kool wa thap u Chalet Phawa haka minit wa 53 wa u S. Pale haka minit wa 57.
Ha ka yalehke wa ar, ka Evergreen Mukhla da jop ko yaka Mooknor Thadmuthlong da 2-0 da ki kool wa thap u Chwami Dkhar haka minit wa 2 wa u Pynshaimiki Sana haka minit wa 40.
Ki yakhun Quarter Final u sdang ha ka 9 tarik da le tylli hapyrdi ka Mulang Ialong waka Ladthadlaboh heipor 10:30 i step, ka 7 Wasa u yachem ko waka Mukhla Raij heipor 2:00 waje i sngi wei ka FAM u yachem ko waka Dulong heipor 4:00 waje i janmiet.
Ka Quarter wa khaddooh u pynman ha ka 10 tarik hapyrdi ka Demthring waka Evergreen Mukhla heipor 4:00 waje i janmeit.
Discussion about this post