Wa sahteiñ i takit hei yatoh wa ka kaam MNREGS ha Ummulong, booddien ka FKJGP wow yoh yei hok

Jowai: Ki manbei ka Ummulong kiwa toh u yoh myntoi na ka scheme 100 sngi næ ka Mahatma Gandhi National Rural Employment Guarantee Scheme (MNREGS) ha ka 2 Kmaichonglad (December) 2016, da ujor ki ha u DC ka WJH u Arunkumar Kembhavi, wa ym em u miat i rukom pynkrehkaam ya kani ka Scheme hapoh ka chnong khamtam hei yatoh wa i rukom saam nongsngi, wei neiliang u Kembhavi da kular u wow pynman da ka takit hajrong ini.

Ha ka 9 Kmaichonglad 2016 nawon kini ki manbei da e ki da ka chithi wa ujor ha ka Block Development Officer ka Thadlaskeiñ C&D Block wow takit hajrong ini wei neiliang ka BDO leh da kular ko wow leh yeiwa emkaam.

Kini ki manbei wa ujor da ong ki wa da lai yachem ki ya ka BDO, u DC ka WJH dei langær wow boodien yeini tangwa hadooh katni man i iwa em ha la-ær neibhah ymtip yi wa jia namo yi chem ki na kani ka takit.

Neidaw wa slem u pyndep ya ini i takit wei wym mih pyrthai de iwa chem na i takit, chimkhia ka seiñ FKJGP- JH wow booddien yeini wow yaleh yei hok kini ki manbei.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ynne ka sngi ka seiñ hapoh i yahkhmat u President  yong ka u T. Lytep da lai yachem ko ya u DC ka WJH u R. Rapthap heiwa da e ya oo ya ka dorkhat.

Ha ini i yachem neiliang u Rapthap da kular u wow chimkhia yeini wei daw pyndep u yeiwa emkaam hapoh chi tayaw tam.

Hadien kani ka yalang, neiliang u Lytep hei yaklam wa kiwa pathai khubor da ong u wa em i daw wa rieh cha lyndet wa pynslem u pyndep ya i takit.

Da kular u wa daw booddien ki yeini hadooh wa chem ki yei tre wei wow yoh ki manbei yei hok iwa da dawa ki.