Ki 5 ngut ki khynnah kynthai kiwa man kam ki Muslim kiwa dang khian rta, da ngat Case ki ha Uttar Pradesh hapoh ka aiñ Anti-Conversion Act deiwa chah pynbaad ki wa pynbor ki ya kawa para lai skur ki wow sap ko ya ka Burqa deiwa pynbor leh ya ka wow kylla cha ka niam Islam, da pyntip ki pulit ynnin ka sngi Saturday.
Ini toh iwa da jia ha ka 12-12-25 tangwa da mih pyrthai i dang heini hadien wa u payu kani ka kynthai Hindu kawa 16 snem i rta da ujor u ha Bilari Police Station ka Moradabad. Ha ka ujor da ong wa ki 5 ngut ki kynthai kiwa 15 hadooh 17 snem i rta da pynbor ki ya ka diah u kiwa lai skur lang wa ka kamjooh kiwa lai Tuition ha ka jooh ka thaw wow sap Burqa wei wow kylla niam.
Ya ka FIR da Register hapoh ka Section 3 wa Section 5(1) ka Uttar Pradesh Prohibition of Unlawful Conversion of Religion Act, 2021, kawa da khang yei pynbor wow pynbiej ya ki bru wow kylla niam ki.
Ki pulit da ong ki wa da yoo ki ya iwi i Video wa da poor bha ha ki rynsan Social Media heiwa da yoo ya ki kynthai ha kawi ka thaw kiwa sap Burqa deilang wa kawi ka kynthai Hindu heiwa da yoo lakam wa pynkhreh sula ki ya ka wow riam ko. Da chem wa kini ki kynthai toh kiwa mut wow lai cha kawi ka Restaurant tangwa kani ka kynthai Hindu deiwa tieñ ya yoo u payu ko, da sap ko ya kani ka Burqa.
U Superintendent of Police (Rural), u Kunwar Akash Singh, da ong u wa da Register ya ka Case mar ya yoh ya ka ujor wei ka takit dang lai ko chakhmat yow chemdien yeiwa jia sakhiat.
Katkam ka aiñ Anti-Conversion Act, kiwa chem wa pynbor kylla niam khamtam ya ki khynnah ye ki wow chah kset hadooh 14 snem.
Tangwa neidaw wa kini ki kynthai toh kiwa dang khian rta ym em kem ki wei ka takit toh wow chem lada em sakhiat i pyrchang wow pynkylla niam.
Discussion about this post