Wa slah dooh light ha East Jaiñtia, lai yachem ki ar seiñ ya u CEO ka MeECL

Jowai: Ki ar tylli ki seiñ napoh East Jaiñtia wa kynthup ya ka JNC-CB wa ka KSU-KC ynne ka sngi hadien wa lai yachem ki ya u EE ka MeECL Distribution wa Revenue Officer ka MeECL hajrong i wym yoh light tikna katwa ka bill wan ko kamwa toh u su man la u bnai; da lai yachem won ki sa ya u Chief Executive Officer ka MeECL ha Jowai, West Jaintia Hills wow yaklam hajrong ini waroh.

Neiliang u CEO leh da kubur u ya i slah dooh light wei khamtam ha kani ka tayaw wa da dooh ko kamwa chi tayaw lynter man ka sngi. Ha ini i yachem wa u CEO da ong u wa ini jia i neidaw wa dang lai bait i kreh ha kani ka Office wei ka Office da mylliñ ko u e wyrta cha ki paidbah.

Kini ki ar seiñ hei yaklam da beiñ joor ki ya kani ka Office yei wym em u pyntip ko cha ki paidbah khnang wa ki paidbah u man ki kiwa da pynkhreh.

Hei yatoh wa ini neiliang u CEO da kular u wa neini chakhmat ka Office daw pyntip bait ko cha ki paidbah chwa wow pyndooh ya ka bodriñ khamtam lada boon sngi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kini ki ar seiñ da kyntu ki leh ya u CEO, wow ekti leh chibet chibor ya ka 33KV Line kawa wan na Mustem Substation kawa hapoh i pait ka Jowai Division, cha ka Khliehriat Division khnang wow myntoi ki paidbah waroh liang wanang.