15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ym em u chimkhia ka sorkar jylla wow pynbait ya ki kaam chna luti rel: R. Gohain

0 Comments

Shillong: U Montri khynnah ka tnat Railway ka sorkar pyrdi u Rajen Gohain da pynbaad u i tkhoh i chna ya ka luti rel ha Meghalaya toh neidaw wym chimkhia ka sorkar jylla wa synchaar da ka Congress hapoh i yahkhmat u Montri Rangbah u Dr. Mukul Sangma.

U Gohain da ong u ya ini hawa yaklam wa kiwa pathai khubor hadien wa kut ka yalang ha ICAR Umiam ynne ka sngi.

U Gohain da ong u leh wa i kreh ya ka luti rel daw lai bait i chakhmat lada wan da kawi ka sorkar. “I wan ka luti rel daw e kaam ko ya ki lak ngut ki khynroo khyllood ha kani ka tnat kamjooh leh kiwi ki kaam.”

“Nga ym sñiawthooh O neiyi i daw wow sangeh ya ka luti rel tangwa ka Election wow pynman ha u Thohlakhmi (Feb) ha u snem wow wan daw yoh sorkar wa thymme ha ka jylla wei ka daw leh ko iyi  iyi hei yatoh wa ini.” Da ong u Gohain.

“Ki sahep ka tnat Railway da dep yachem ki boonsien wa ka sorkar jylla hajrong ini tangwa ka ym leh ko (sorkar jylla) iyi iyi leh hadooh katni hanlada kular ko wow chimkhia yeini man ki por.” ong u Gohain.

Da ong u wa ka sorkar pyrdi da kwah ko wow pynyabi da ki luti rel ha waroh ki jylla ka ri khamtam ki jylla ki wympu em rel khamtam ki thaiñ mihsngi ka India.

Chooh chooh da ong u wa deiwa wan ka luti rel daw pyntoh dor ko ya ki mar ki mata wei daw pynsuk ko leh yei kit ya ki mar wa mih na kani ka jylla.

Share this:
Previous

Wa slah dooh light ha East Jaiñtia, lai yachem ki ar seiñ ya u CEO ka MeECL

Next

Da psiah PDF ki 12 ngut ki MDC ka KHADC