Ka FKJGP Jaintia Hills hei yahkhmat u DS War, Organising Secretary deilang wa ki dkhot yong ka FKJGP Thadlaskein Circle da lai yachem ki wa u sahep u wa pait yei rep i riang u District Agriculture Officer u W. Marbaniang hajrong ka yurim wym yoh symbe ki warep khamtam ya u symbe kba uwa wa tip ki warep kam u Kba Packet wa katkam wa yoh yutip ka seiñ na ki warep kiwa lai thooh kba naka yungkrehkaam ka chnat Agriculture kawa em ha Newhill, Jowai wym yoh ki oo.
Ka seiñ hei yachem ko wa ki warep da chem sakhiat ko wym em u yoh ki ya uni u symbe kba iwa man i pynlut por wei i jynjar yaki warep khamtam hakam kini ki por wa em ka Lockdown, katwa kamtæ neiliang yong ka seiñ khnang yow yoh yei che iwa tikna da lai yachem ko chi syndon ya u DAO ka West Jaiñtia Hills District.
Ha ini i lai yachem, neiliang u DAO da ong u wa ya u symbe kba da poi u ha uni u bnai wa dep wei da saam ki leh cha ki warep tangwa ym dap neidaw wa yoh ki du kajiak don hi, wei neiliang yong oo da paan biang chooh chooh u ya uni u symbe kba khnang yow yoh u ye u pynbiang cha ki warep wei da toh u poi u kba nadooh ka 29-30 tarik tangwa neidaw ka Lockdown ki kari kiwa kit ya uni u kba dang sah kut ki cha baar jylla wei neiliang yong oo da chim khia bha u wei wa da dep yaklam u leh wa ki bor wa toh u pynpoi ya uni u symbe cha ka District yong i, wei da pyntikna u hapoh kini ki sngi u wan poi noh uni u symbe wei mar ya poi u, u saam wot cha ki warep katwa dap.
Kamtæ neiliang yong ka seiñ da dawa ko naka sorkar kamjooh ya u montri wa pait yaka kaam rep wow chimkhia u wow pynbiang ki yaki symbe khnang wa ki warep u yoh ki u rep u riang heipor wa biang.
Ka kyrwoh na u Marhok Marboh, Vice President FKJGP-JH.
Discussion about this post