15 49.0138 8.38624 1 1 4000 1 https://wyrta.com 300 0

Wa smat yaklam ki ar CM, mih noh ki pulit Assam na Psiar: James Sangma

0 Comments
Advertisement ad1

Shillong: U montri ka sorkar Meghalaya uwa pait yaka kaam pohyung, u James K Sangma da ong u wa i thmu yong ki pulit Assam wow booh yaka Border Police Outpost ha Jurim Biam, Psiar (Block-1) da ye wow pynsangeh noh da i chimkhia yong ki bor pynlai District wow yaklam wa ki bor pynlai ka jylla Assam kawa da jia nadooh ka 12 tarik uni u bnai.

U James da pyntip u leh wa neiliang u montri rangbah ka Meghalaya da yaklam u wa u montri rangbah ka Assam wow pyntip ya oo ya iwa jia ha Psiar, wei u montri rangbah ka Assam, u Sarbanamda Sonowal da phah u ya ki pulit yong oo wow mih noh na katai ka thaw.

Da pyntip u leh wa ki pulit ka Assam da mih noh ki na katai ka thaw khlem da thmu wow booh yabor yaka Outpost wei ya kani ka kaam da dep wow pynbait noh, neidaw ka Assam leh da ap ko yei klam.

Katkam ka khubor wa da yoh da pynbaad wa ka sorkar Assam wa yahkhmat da u ADC ka West Karbi Anglong , da i synran ki 60 ngut ki CRPF wa ki pulit Assam, da pynkhooid ki ya ka khloo ka chnong Psiar kawa hap cha Meghalaya wow chna yaka Border Outpost.

Na ini i thmu yong ki pulit Assam, da yoh khubor wa em i pynyoo bor pyrchah da ki pulit ka Meghalaya ha Jurim Biam, Psiar (Block-1) kawa jngai kamwa 4 kilometer na chnong Khat Kasla na luti cha Umkhyrmi – Mokoilum khappood wa ka West Karbi Anglong, Assam.

Ynne ka sngi ki pulit ka West Jaintia Hills da hiar biang ki cha katai ka thaw deilang wa 50 ngut ki pulit wa kynthup ki pulit na ka Battalion wa SF10 hapoh i yahkhmat u Dy. SP u Donkupar Moksha, wow pynyoo bor pyrchah ya ki pulit Assam.

Neiliang ki paidbah da pynbaad ki wa ki pulit Assam na Mokoilum Police Outpost boonsien da jooh wan ki wow pyndik ya ki deiwa dawa poisa na ki kali kit mar rep, wa i khrong poisa leh ya kiwa lai thohdieñ cha khloo.

Advertisement ad1

0 Comments

Leave a Reply