Ynne i step ka 6 tarik katwa i yakhih yong ka seiñ Meghalaya Commercial Truck Owner and Drivers Association dang lai ko chakhmat ha Mawryngkneng, East Khasi Hills District deiwa pynuiñ ya ki kari kit Cement wa Clinker kiwa wan na Ri-loom Jaiñtia, ka khubor wa da yoh lum da ong wa syndet syndet heipor 8:00 waje haroh da wan poi ka pulit wa synraan ya ki Truck kit Cement wa Clinker heiwa da phah lai bait ya kini ki Truck chakhmat.
Ha itai i por katwa ka seiñ kiwa yah Truck wa tre Truck won dang pyrchang ki u phah pynuiñ ya ki Truck kit Cement wa Clinker kamwa jooh leh ha kini ki sngi wa dep, da mih biang i ya pynyoo bor pynyoo ñia wa i pynpdung Tear Gas ki pulit ha kani ka thaw.
Ha ini i por da ya mih leh sa ki paidbah chong chnong ka Mawryngkneng nadooh ki manbei wow yañia wa ki pulit yow phah liwan ki leh na kani ka thaw.
Ha ki Video wa da poor bha da yoo leh ya uwi u bru wa chah kit ha ka Amulance tangwa ym pu ye u pyntikna na iyi i daw wei da yoo leh yeiwa em ki paidbah wa kawang moo ya ki pulit.
Kam wow pynkynmoo wa ka DC ka East Khasi Hills da pynkrehkaam ko da ka Section 163 ka BNSS yow khang yei pynman yalang pynman yakhih hapoh waroh kawi ka Mawryngkneng C&RD Block deiwa ong leh wow pynchitom ya kiwa tyngkheiñ ya kani ka hukum.
Discussion about this post