Dei wym em man sakhiat e jubab ka NHAI hakhmat ka HC heiyatoh wa u sarok NH-6

Ka mukotduma PIL wa da yaleh da u (L) Kynjaimon Amse pyrchah ya ka National Highways Authority of India (NHAI) da chong bichaar biang ka ynnin da ka miej bichaar ka Justice Revati Mohite Dere, Chief Justice wa u Justice W. Diengdoh, Judge.

Heini da yaklam yeiwa phah lai pait ya u S. Panthi kam u Amicus Curiae ya u sarok Jowai Bypass ter-ter hadooh wa poi cha Ratacherra yow pynsakhiat lada iwa jubab lyngba ka Affidavit u Anand Singh Chauhan, Project Director NHAI wa da em sa kattu katni ki thaw wa hap pynchkeh wei i kreh toh iwa da pyndep da waroh ar ngut ki Contractor.

Deilang wa u Panthi da em leh u S. Senupta uwa man kam u muktiar ka NHAI heiwa da lai pait ya u sarok ha waroh ki bynta wei da chem wa u sarok toh uwa dang dap da boon tylli ki thlu kam hei bynta ka Byndihati wei ha Tongseng hachwa u poi ka yingkieñ da em ki thlu waheh bha hapyrdi luti kamjooh leh ha Ratacherra hajan ka Petrol Pump kiwa da emkaam wow pynchna smat.

Da kdaw leh wa ki Guard Wall, ki dooid kiwa da chna, da em ki Slab wa da booh kiwa kset pathan hadooh wa sahkut ka um.

Ka yung bichaar da ong ko wa deiwa pait ya kani ka Report, da chynna wa iwa jubab u Director ka NHAI ymtoh iwa sakhiat.

Related posts

Dohyap kiwa kreh Forest u thooh wei yarap ya u hati wa sakhut ka chaka Tractor ha rdang u

September 10, 2026

Chah yooh ka khynnah wa kyndeh ke hakhmat yung hadooh wa yap

September 10, 2026

Da ong leh wa kani ka PIL toh kawa nadooh u snem 2022 yow dawa pynchna ya u sarok da ka NHAI ya uni u sarok Jowa-Ratacherra (NH-6) tangwa kattu da jan dap soo snem leh ym pu ye u pyndep yei pynchna wei ymtoh leh kamwa da kam hapoh ka Affidavit wa dadep yei kreh.

Ka High Court da phah ko leh ya u Project Director wow em u dei bru hapoh ka yung bichaar myntu ka sngi.