Wa thmu rah ya ka Bindas Syiem chah phah hajir u SP ka East Khasi Hills

Ka Meghalaya Human Rights Commission (MHRC) da paan ko ya ka bui (Report) wa bniah na ka Director General of Police (DGP) heiyatoh wa i jia ha i step synyaaw ka 9 tarik ha Additional Secretariat Parking Lot heipor wa ka Bindas Syiem dang pynman ko yei chah thngan.

Ka Commission da phah hajir ko ya u SP, East Khasi Hills District, u Rituraj Ravi wow wan hakhmat ka Commission ha ka 20 tarik uni u bnai.

Ini i phah hajir ya u SP toh hadien wa mih i pynbaad wa da thmu ki pulit wow rah dei bor ya ka Bindas Syiem cha thaw sumaar. 

Related posts

Hadien 43 kynta yoh biang ki pulit wow kem ya ki 17 ngut ki koidi kiwa yoh u yut napoh ka Jail

October 28, 2026

Kut ka e sikai wa le bnai hajrong ka Self Defence ha ka skur ha Shangpung

October 28, 2026

Kam wow kdaw heini, wa da em ka ujor ha ka MHRC wa da pynbaad wa hei step synyaaw ka 9 tarik heipor kamwa 12:30 da wan ki pulit chynrang yong ka Special Operation Team wa yahkhmat da u SP, u Rituraj Ravi wei da pynbaad leh wa da muaid ki pulit kiwa da psiah yabor cha kani ka thaw chah thngan kani ka manbei kawa da yakhih neibynta u sarok Nongpoh-Umden-Sonapur.

Ha ka ujor da ong wa da leh yeini khlem da yahlang wa ka pulit kynthai dei thmu wow rah yabor ya ka Bindas Syiem yow phah leh Medical Checkup tangwa deiwa em ki bru paidbah wa emlang ha kani ka thaw ym em da ye wow rah ya kani ka manbei.