Shillong: Ki dkhot ka Khasi Students’ Union (KSU) ynne ka sngi da chah khut hajir ki ha ki pulit ka Sadar Police Station wow takit ya ki hajrong i yakhih pyrchah ya ka Citizenship (Amendment) Act, (CAA/CAB) 2019 ha nongbah Shillong ha u snem wa dadep.
Ki dkhot ka KSU kynthup ki ya u Organising Secretary, u Ostarnic Marbaniang wa ar ngut kiwa yahkhmat ka Mawlai Circle heiwa da chah takit ki hadooh kamwa 4 kynta ha ki pulit hadien wa chah pynngat ki ha ki 6 tylli ki kyndon.
Ha in i chah hajir da synraan lang ya kini ki le ngut da u President ka KSU, u Lambokstarwell Marngar wa kiwi kiwa yahkhmat ka seiñ.
Hawa yaklam wa kiwa pathai khubor, u Marngar da ong u wa ka seiñ ym sñiawpher ko yeini i leh ki pulit neibhah wa man i kam chibynta yong i lai luti, tangwa lada man katwa man u dawa bait ya ka Inner Line Permit ha ka jylla wei ini i dawa daw joor i.
Discussion about this post