Ka Hill Farmers Union (HFU) hapoh i yahkhmat u President ka seiñbei, u Commander Shangpliang da lai hiar ki cha South West Khasi Hills District neidaw wa em i yap ki sñiang.
Hawa lai cha Nongbrei Nongdom iwa em ha ka thaaiñ Shilliangum, u Commander Shangpliang da chem u wa em boon ki sñiang wa ri da kiwa rep da yap kjut ki.
U Commander da khana u wa da yoh u wow yaklam wa ki bru ka chnat Veterinary kiwa da pyntip wa toh neidaw wa yoh kjut African Swine Flu (ASF) tæ yap kini ki sñiang.
Neiliang ka seiñ da dawa ko wow e Inject tika neibynta ki sñiang kiwa dang im yow yada ya ki nei kjut.
Da dawa leh na ka sorkar wow su ka bai lutsan wei kamjooh leh wow booh yei thaw wow pait u sylli deiwa booh da ka thaw Test ya ki sñiang kiwa wan na baar ha thaaiñ Jorabat.
Da sñiawphylla u leh wow tip wa yoh u psiah bait ki sñiang khlem Test kiwa wan na baar wei ini ye wow man da kiwa rah kjut hadooh wa chah ktah ki sñiang wa em hapoh ka jylla.
Discussion about this post