• About Us
  • Contact Us
  • Privacy Policy
  • Advertise With Us
  • Terms & Conditions
Tuesday, July 29, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home Culture

Wai emburom ka Seiñraij Shangpung ya ka Yungraij kawa thymme

Wyrta Staff by Wyrta Staff
January 18, 2025
Reading Time: 6 mins read
A A
0
Share on FacebookShare on Twitter
ADVERTISEMENT

Katwa dang lai ki por ki sngi, ka Seiñraij Shangpung chirup wa ka yung krehkaam ki Waheh Khad-Ar-Nor, Elaka Shangpung da yoo dawa ki wow chna pynthymme ya ka Yungraij nei warim cheiwa thymme, kamtæ hadien boon snem i lai luti yong ki, ynne ka sngi ka Seiñraij Shangpung da yoh ko wow wai emburom ya ka Yungraij thymme kawa em ha Dong Leichka, Shangpung Pohshnong.

Ha kani ka sngi da em ka yalang wa tbian heiwa u MLA ka thaaiñ, U Comingone Ymbon uwa man u Montri ka chnat Food Civil Supplies da man u kam u kongsan wei ya ka yalang da pynlai da u President ka Seiñraij, u Raphoi Iakai wei da yoh ya ki kyntien Ngooh Blai na u Manbha Lamare na ka kur wa man Langdoh wa ri wa sumaar ya ka Yungraij.

Ha ka yalang da emlang u Chanki Langbang, Dolloi ka Elaka Shangpung, Ki Waheh Khad-Ar-Nor, ki waheh wasian ka Seiňraij Shangpung, ki waheh chnong ka Shangpung Pyllun wa ki khon ki rayot ka Elaka Shangpung heiwa da yoh ya i klam pdiang burom na u Nitajan S. Manar, Vice President ka Seiňraij Shangpung, ka Financial Report wa tbian na u Dapynphermi Chulet, Secretary Yungraij Working Committee cum Secretary Ki Waheh Khad-Ar-Nor, Elaka Shangpung, i klam i kappæ na u Thiejshwa Phyllei, Chairman Ki Waheh Khad-Ar-Nor, Elaka Shangpung wa i klam tbian na u Dolloi Elaka Shangpung.

U Comingone Ymbon kam u kongsan da ong u wa kam u MLA wa kam u tre chnong nadooh wa sdang u wow man kam u MLA da khmiet u cha ka Yungraij warim wei yooluti u wa chisien ka sngi daw yoh wow chna pynmiat pynbha da kawa thymme wei kamtæ da thooh u ki laad ki luti wow pynyoh yarap cha ka Seiňraij.

Related posts

Da ki phaw hajar wa wan sakhi ya ka sngi pynkut ya ka Behdieñkhlam 2025 ka Raij Tuber

July 22, 2025

Wanrah ka Phang Wah ya u Bhang kam chibynta ka Behdieñkhlam Tuber

July 21, 2025

Da pynsñiaw u yei sňiawkmen wa kitu ki yimphoo wa i yooluti yong oo da man ki iwa sakhiat heiwa da yoh wow wai emburom ya ka Yungraij thymme. Kamtæ da kyntu u ya ki pateiň wa katni khamtam ya ka Kur Lamare kiwa man kam ki Langdoh yong ka Raij kiwa pait wa sylli ya ka Yungraij wow sňiawbha ki wow lehkhooid lehjngiar ya ka khnang wa i phooh i phieñ yong kani ka Yungraij yow neh yow sah ki ha ki pateiñ wa daw wan.

Chooh chooh da ong u wa i kam ki pateiñ wa katni emkaam i wow pynneh pynsah wow pynmiat wow pynbha ya ki dienkti dienkjat yong ki warim wajah khnang wa ki pateiñ hadien yow suk ki u bood luti wei emkaam leh wow pynneh wow pynsah i ya ki dieñ ki praw, ki khloo ki kjam kiwa em harood yong kani ka wah Umiurem kawa man kam Ka Tawiar Ka Takan yong i khnang wa kani ka um ka wah yong i yow man ko i kyrkhu ya ki pateiň wa katni kamjooh ya ki pateiñ hadien.

Heijooh i por da yaroh u leh ya ka Seiñraij Shangpung kawa da pynkrehkaam wei wa da pynemkaam hok ko ya ki Scheme sorkar kiwa da yoh yarap ko.

Ha kani ka sngi da yoh leh wow ap u sñiaw yei sur kyrpang neibynta ka Yungraij na Ka Chlem Ki Sur Tynre, Shangpung wa ka Chaad Pastieh na ka Seiñ Khynroo Khyllood Seiñraij Shangpung.

Khaddooh ha kani ka yalang da yoh ya ki kyntien e khublei na u Secretary ka Seiñraij, u Considerwel S. Manar.

ShareTweetSendShare
Previous Post

Meghalaya Games 2025: Jop ka East Khasi, West Jaiñtia wa Ri-Bhoi

Next Post

Lai pynkhooid ki dkhot ka chnong Panaliar yei chah leh pynsih ki dur ka Meghalaya Games

Related Posts

Culture

Da ki phaw hajar wa wan sakhi ya ka sngi pynkut ya ka Behdieñkhlam 2025 ka Raij Tuber

July 22, 2025
Culture

Wanrah ka Phang Wah ya u Bhang kam chibynta ka Behdieñkhlam Tuber

July 21, 2025
Culture

Wanrah ki paaid ka Phang Neiñ Raij Tuber ya u Bhang wa man kam u Dieñ Khlam

July 21, 2025
Culture

Da pyndep yei deiñ ya u Bhang Blai ka Tuber Chohchrieh kam chibynta ka Behdieñkhlam ka Raij Tuber

July 20, 2025
Next Post

Lai pynkhooid ki dkhot ka chnong Panaliar yei chah leh pynsih ki dur ka Meghalaya Games

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar