Ka [24]7.ai da wai ko yei yung krehkaam wa thymme yong ka hapoh Meghalaya deiwa booh 400 tylli ki thaw chong kreh wow leh yaka International Business Process Outsourcing (BPO) ha Shillong Technology Park wei ya kani da wan wow wai da u Montri Rangbah ka jylla, u Conrad Sangma deilang wa u Hamletson Dohling uwa man kam u Montri ka chnat Information Technology & Communication Development ynnin ka 3 tarik.
Ha ki ar snem wow wan, ka [24]7.ai da pyntip ko wa daw pynku yei kreh hapoh yong ka cha 2500 tylli kiwa daw e da kani ka Company kiwa kynthup lang wa ki kreh wa da yoh pateiñ lyngba yong ka ha Meghalaya.
Kani ka [24]7.ai toh ka Company kawa na California, USA wei wa kani ka yung krehkaam wa em ha Shillong da man ko kawa le wa em ko ha India wei da em yung krehkaam ko leh ha kylleiñ ka North, Central wa South America wa ha Philippines. Da man ko leh kawi na ki Fortune 500 Company.
Ka [24]7.ai da em ko ha Shillong kattu la chi snem wei kiwa kreh da em ki 300 ngut tangwa deiwa rah yei kreh cha ka Shillong Tech Park daw em thaw neibynta ki 400 ngut ki wakreh hei thaw wa heh 25,000 sqft wa da chim ko.
Ka [24]7.ai toh kawa chna Software kiwa pynemkaam ha ki Artificial Intelligence, Analytics wa kiwi de la 20 snem.
