Wai ka Ampareen ya ka yaaw ka jylla ha ka IITF

Jowai : Ka Ampareen Lyngdoh, Minister, Information and Public Relations, ynne ka sngi da wai ko ya ka yaaw ka jylla ya kawa tip leh kam ka Meghalaya Pavilion ha ka 36^th India International Trade Fair (IITF) 2016 wa pynman ha Pragati Maidan, New Delhi hei emlang ka M.H.K. Marak, Commissioner and Secretary, I&PR, ka M.N.Nampui, Director of Information & Public Relations, ka S.R. Marak, JRC, Meghalaya House, New Delhi, wa kiwi kiwi de ki heh sorkar wa ki bru samen wa seiñ ya kiwa boon i khih hapoh jylla.

Ya kani ka IITF wa ar tayaw nadooh ka 14 hadooh ka 27 tarik da wan wai da u President ka ri u Pranab Mukherjee wei da pynman ya ka da ka India Trade Promotion Organization (ITPO) ha ka yalang wa pynman ha Hamsadhawani Theatre, Pragati Maidan, New Delhi.

Ka Ampareen heipor wa li pait li sylli ko ya ki mar wa da pynyoo rong na ka jylla da pynsñiaw ko yei hun mynsien ko u yoo wa waroh ki dukan da bood ki ya ka phang ka uni u snem wa ong “Digital India”

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki tnat sorkar wa wan mihkhmat ha kani ka IITS toh ka Agriculture, Horticulture, Commerce & Industries, Tourism, Cooperative Societies, Sericulture and Weaving, Information Technology and Communication, MHHDC wa ka MKVIB.

Da em leh 17 tylli ki dukan wa pynlut da ki tnat sorkar waphær waphær kiwa pynyoo rong cha ka pyrthai ya ki mar wa chna ki paidbah napoh ka jylla kiwa yatoh wa ka jait bru kamjooh wa i rukom im rukom man, wa man ka sngi.