Ka Meghalaya People United Front (MPUF-EJHD), ynnin ka sngi da yohlaad ko wow wai yaka yung krehkaam ka yong ka kawa em ha Khliehriat West, wei ya ini da wan wai da u President ka seiñbei u D. Wanmi Laloo.
Da yoh leh wow pynboon chooh chooh yaki dkhot yong ka (MPUF) ha kani ka sngi ka wow tip leh kam ka MPUF-Khliehriat Circle, heiwa kiwa yahkhmat yong kani ka Circle man ki kamni, u President u Sanjoy Bareh, u General Secretary u Thawlad Lyngdoh deilang wa 15 ngut ki dkhot.
Ha kani ka sngi da emlang u Aimonbha Syad uwa man leh u General Secretary ka seiñbei, u Hamwer Bhoi u Publicity Secretary ka seiñbei, u Jony Phawa u President Sanshnong Circle, u Kmenlang Siangshai General Secretary EJHD, uwa man leh u Chairman ha kani ka sngi.
Kiwa klam ha kani ka sngi toh u Aimonbha Syad, u Jony Phawa, u D. Wanmi Laloo uwa da pynsmai leh ya kiwa kitkaam thymme yong ka Khliehriat Circle.
