Ha ka 15 tarik uni u bnai, ka Mukhaialong Integrated Village Cooperative Society Ltd. da pynman ko ya ka Annual General Meeting neibynta ka Financial Audit Report yong u snem 2023-2024 ha chnong Mukhaialong.
Ya ka yalang da pynlai da u Chairman ka Society, u M. Phawa wei ya ka Audit Report da e da u Secretary ka Society, u N. Phawa deiwa emlang u waheh chnong, u secretary chnong, ki dkhot ka chnong kamjooh ki dkhot ka Society.
Kani ka sngi da man ko leh ka wow sah kynmoo ya ka Mukhaialong IVCS wa ya ka Dorbar Chnong Mukhaialong neibhah da yoh wow wai ya ka yung krehkaam wa thymme yong ka Society wei kamjooh leh ya ka Homestay da u waheh chnong, u H. Phawa.
Kani ka yung krehkaam wa thymme daw yarap ko wow pynsuk ya ka Society wow pynlai ya ki kaam yong ka katwa ka Homestay daw pynsuk ko ya kiwa wan ke cha ka thaaiñ San Chnong kiwa kynthup ya ka chnong Pynthorsale, Mukhaialong, Mutong, Cham Cham wa Lumchyrmit yow sah miet ki.
Ka thaaiñ San Chnong da em ko chiboon ki thaw uiñke suwari nadooh ki View Point, ki kchaaid kiwa em ha Poh Blai Moochutia Community Reserve, Mukhaialong, ka kachaaid Moopun ha Mutong, kchaaid Rynji, ka Sah Ksaw ha Cham Cham, ka kchaaid Latang ha Lumchyrmit wa kiwi kiwi de.
Kamtæ ka Dorbar Chnong Mukhaialong lyngba u waheh chnong da pyntip wei kyrpaad ki ya phi ki lok ki jor kiwa na jan na jngai kiwa wan pait ke cha kani ka thaaiñ wow sñiawbha u wan sah miet ha kani ka Homestay kawa da pynchna da ka Dorbar Chnong Mukhaialong.
Kiwon kiwon kiwa kwah wow pynemkaam ya kani ka Homestay ye ki wow Phone ha kini ki Number-9615288189/7627971986/8787854173.
Discussion about this post