Wai ki bor distrik ya ka yungmane wa chah khang ha Iongnoh

Jowai : Ki bor District ka West Jaintia Hills District hadien wa mih ka khubor wa chah khang tala kawi ka yungmane yong ka Church of God (Meghalaya & Assam, India) kawa em ha chnong Iongnoh ynne ka sngi da hiar ki u li wai noh ya katai ka yungmane.

Neilaing ka bor distrik da em u ma D.M. Wallang, ADM, u ma C. Syrti, DSP, wa u R. Muthu, SP.

Heipor wa poi ki ha khmat katai ka yungmane wa chah khang ha ka chnong, u Waheh Chnong u ma Marki Shylla ym em u niedaw wa ong ki wa em u cha Jowai. Da yaklam chwa ki bor district wa u Secretary ka chnong u ma Sahneh Yalih heiwa u ma Wallang da pynche u wa katkam ka constitution ka ri India waroh ki bru emhok ki u jied ya kawon kawon ka niam wei ye ki leh u mane heiwon heiwon i thaw khlem em wa ye u khang ya ki.

U ma Wallang da ong u leh wa embhah kani ka chnong wa ym em chah ujhor ki cha ka yungbichar aiñ neibah ini i khang toh iwa eh bha ha khmat ka aiñ.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya u waheh chnong da maham wa ye u chah kem lada ym wan u neibhah da dep pyntip ya oo nadooh ka sngi chwa watoh u em u ynne ka sngi.

Hadien wa wan u waheh chnong neilaing yong oo da ong u wa em ki kattu katni ki dkhot ka chnong wa pyrchah ki yei em kani ka Balang hapoh ka chnong. U ma Wallang da jubab u wa toh i kaamram yong u waheh chnong u pynsnaiwthooh ya ki paidbah wa iwa kwah ki u leh man i wa pyrchah ya ki hok ki bru hapoh India.

Neibhah neibynta kitæ ki kattu katni ngut daw chah kem u Waheh Chnong. Em leh na ki paidbah wa paanpor yow yoh laad u pynbait ya ini waroh kam ka chnong tangwa neilaing ki bor district ym em pdiang ki yei te wei da phah wai noh ki ya ini i yung mane.

Ya kani ka yungmane da khang ya ka da ki artylli ki tala. Kamjooh leh da mana wa lada em kiwon kiwon kiwa pynthut ya i mane blai yong kani ka balang wa ki dkhot ko daw wan kem bait ya u Waheh Chong wa u Secretary.

Ha kani ka sngi neiliang ka balang Church da em u ma Khloor Talang, Le Talang, Kham Dkhar na ka Church of God (Mustem), Orlan Kya (Sohmynting), Loren Paksan (Moosakhia), Rophos Lipon (Pynthor Langtein), Formus Snitang (Kyndong Tuber), Rev O.L. Snitang wa u Dr. Morning Star Sumer ki heh ka Church of Good Assembly na Shillong.

Ya kitu kiwa kwah u puræ yei daw wa chang khang kani ka yungmane ye phu u puræ heini deiwa click ha kani ka link.