Jowai: Katwa danglai i por, yow e i chakri wa bha ya ki paidbah heiliang i stad i tip, i chait i khiah, da wai ya ka Parish Centre ha kani ka 17 tarik ha chnong Nangbah, West Jaiñtia Hills District, heiwa da ekti ya ka Parish hapoh i pait i yoo u Phadar Vimal Rai, SDS kam u Parish Priest wa u Phadar Lessmon Nongtdu kam u Asst. Parish Priest.
Ya i kñia Mass wakhooid, wa ka lehniam wai Parish wa waroh ki lehniam da yahkhmat da u Archbishop Thomas Menamparampil SDB, uwa man leh u Apostolic Administrator ka Jowai Diocese ryngkat i synran yong ki Lyngdohsohblei (Phadar) na ki Parish waphær waphær ka Jowai Diocese wa nawi.
Ha kani ka sngi da pynkynmoo wa chispah snem nachwa itæ ha u snem 1907, da em ka Parish ha Nangbah kawa da pyllai da ki phadar SDS ya kiwa tip kam ki Phadar Salvatorian næ ki Phadar German wei neidaw ka thma ym yoh phadar de wow pteiñ ya ka Parish kawa jooh em ha Nangbah.
Hei sngi kam ka dak wa kmen wa wai ya kani ka parish da em ki Cultural Program waphær waphær wada chim bynta da ki wa ngait ka balang.
Discussion about this post