Shillong: U montri rangbah ka jylla, u Conrad Sangma, ynne da wai u ya ka yung thymme yong ka Nongstoin College ya kawa da chna da i yarap poisa ka Rashtriya Uchchatar Shiksha Abhiyan (RUSA) wa ka Ministry of DoNER, Govt of India hei emlang u MLA Macmilan Byrsat.
Hawa wai ya kani ka yung, u Conrad da ong u wa ka sorkar kreh ko wow pynku ya i puræ puthi ha ka jylla, deiwa yaroh ya kani ka thaw puræ kawa da chakri ya ki paidbah nadooh u 1978.
Da mang poisa T. 4.5 klur na ka RUSA wa DoNER wow chna ya kani ka yung kawa kynthup ya ka Academic Block, Boys Hostel, Library wa kiwi kiwi.
Da ong u leh wa ka Education Policy toh kawa da booh thong ka sorkar wow yaleh neibynta i eh i khoo kani ka kaam tangwa emkaam leh wow pynkhlan ya kiwa sikai hapoh ka jylla.
Da ong u wa ka sorkar yaleh ko wow yarap ya ki college ha ka jylla wei ka Nongstoin College daw man ko leh kawi na kini ki wow yoh myntoi na ini.
Ha kani ka sngi u Conrad da chong yalang u leh wa ki sahep ka PHE wa PWD wow booddien ya ki kaam kini ki ar chnat.
Discussion about this post