Shillong: Ka sorkar jylla da jied ko ya ka IIM Umsawli wow man kam kawi na ki Corona Care Center ha u Naitung (April) 2020 wei ya kani ka Center da wai da u montri rangbah ka jylla, u Conrad Sangma ynne ka sngi.
Kani ka thaw kawa boon tylli ki yung ha kani ka thaw puræ (Institute) wa kynthup ya ka Hostel Block ya kawa dang dep chna wot khlem em bordiñ, ki kor um ha ki thaw sum, ki geyser, ka um, ki dooid wa kiwi kiwi, wei neiliang ka sorkar da chimkhia ko wow chna pyndep noh ya kani ka thaw.
Ki chnat kam ka MeECL da pynyieñ ko hadooh 38 tylli ki chrot bordiñ, wei da pynpoi ko ya ka bordiñ cha kani ka thaw (IIM Shillong Administration Block), neiliang ka PHE won da chna ko ya ka Septic Tank wa thymme ha ka Hostel Block wa ka Admin Block, ki thaw sum wa kiwi kiwi kamjooh leh wow pynkhooid wei wow chna ya ka Water Treatment Plant (WTP).
Neiliang ka CPWD da chna ko ya i thaw wow pynchong ya ki Water Pump Generator wa kiwi kiwi, katwa ka IIM Engineering Wing won da chna pynmiat ko ya ki katkam wa emkaam ka chnat i chait i khiah, ki chuki, i niaam rong ya ki kamra, ki luti lai kjat, ki Signboard wa kiwi kiwi.
Ka Hostel Block em ko 258 tylli ki kamra ha ki soo Block (A, B, C & D) kiwa soo mala chi block. Ka mala wa nyngkong yong ka C Block u man ko kam ka thaw e dawai heiwa daw em ki OPD, Pharmacy, X Ray Room, Sampling Room, Laboratory wa kiwi kiwi. Ha ka mala wa nyngkong (Ground Floor) ka Block B u man ko ka thaw neibynta ki Doctor wa ki Nurse; ha ka mala wa nyngkong ka Block D daw em ki wakreh kam ki Security Guards, House Keeping Staff, Waste Handlers, Plumbers, Electricians wa kiwi kiwi. Ki kamra neibynta kiwa chah sumaar da booh ya ki pyllong, ki kymmor, borti, wa kiwi kiwi ki tiar wa emkaam wow pynsuk ya kiwa chah sumaar.
Da booh leh ya ki 5 tylli ki Washing Machine/Dryer wa ki thaw thaad that wei da booh leh ya soo tylli ki kari kit um lada jia wa em i duna um.
Da booh ya ka Administrative Office/Store Room ka wow man leh kam ka Command Centre.
Waroh ka Hostel Block ye ko wow joh ya u Wi-Fi wa 10 MBPS Speed na ka BSNL, da booh leh ya ki CCTV Camera.
Waroh ki Corona Care Center u em ki ya ki Doctor, Nurse wa Support Staff 24 kynta ki wow kreh 8 kynta chisien kreh. I rukom kreh yong ki neibynta 14 sngi ha ki 3 shift u man i kamni hawah:
|
Category |
Designation |
Numbers |
|
Medical Team |
Doctors |
4 |
|
Nurses |
12 |
|
|
Lab Technicians |
3 |
|
|
Pharmacist |
3 |
|
|
X ray technicians |
3 |
|
|
Support Team |
Security Guards |
16 |
|
House Keeping |
23 |
|
|
Waste Handlers/ Cleaners |
7 |
|
|
DEO |
3 |
|
|
Supervisors |
1 |
|
|
Receptionist |
3 |
|
|
Plumbers |
6 |
|
|
Electricians |
6 |
|
|
Office Assistants |
4 |
Chooh chooh da booh leh 10 tylli ki Maxi Cab wow kit ya ki wakreh, ya ki Support Staff da pynkhreh ya ki na ka chnat puræ puthi (Education Department) lyngba ki program kam ka RUSA, PMU, ADB, MDM, SSA wa kiwi kiwi. Da booh leh ya ar tylli ki Centre wow chong kset ki wakreh 14 sngi hadien wa leh ki ya ka duty wa 14 sngi ,wei kini ki center em ki ha NEIAH wa IHM.
Da booh leh ya ki pulit ki wow kreh 24 kynta wow sonteri ya kani ka Corona Care Centre.
Discussion about this post