U Montri Rangbah ka jylla, u Conrad K. Sangma chirup wa u Montri ka chnat puræ puthi, u Lahkmen Rymbui wa u Deputy Speaker, Meghalaya Legislative Assembly, u Timothy D. Shira ynne da wai ki ya yung skur wa thymme ka Manikanj Secondary School wa ka Damas Higher Secondary School ha ka yalang wa man ha Mendipathar, North Garo Hills.
Ha kani ka sngi da emlang u MLA ka Kharkutta Constituency, u Rupert Momin wa u MLA ka Bajengdoba Constituency, u Pongseng Marak kiwa da sakhi ya i wai ya kini ki yung skur ya kiwa da chna dei yoh yarap poisa na ka Asian Development Bank hapoh ka Supporting Human Development Project.
Hapoh kani ka Project da chna ya 5 tylli ki kamra puræ (Classroom) ha ka Manikanj Secondary School wei da chna pynmiat ya ki 7 tylli ki kamra ha Damas Secondary School wei da chna thymme ya ki 6 tylli ki Classroom.
I chna pynmiat ya kini ki ar skur kynthup i leh ya ka Computer Room wa ka Digital Classroom neibynta i puræ ki khynnah iwa katkam ka juk wa katni.
Ynne ka sngi u Conrad da ekti u leh ya ki Cheque wa palat T. 23 lak cha ki 32 tylli ki Farmer Producer Groups na North Garo Hills kiwa em 450 ngut ki dkhot hapoh ka Farmers’ Collectivisation for Upscaling of Production and Marketing Systems (FOCUS) ha Mendipathar.
