theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

I thmu toh wow pynpoi chwa tang ya ka rel kit mar ha Byrnihat yow myntoi ki paidbah: Conrad

Advertisement ad1

U Montri Rangbah ka Jylla, u Conrad Kongal Sangma da ong u wa ka luti rel toh kawi na ki phang wa emkaam wei kawa kyllaiñ, tangwa ka sorkar dang yaleh ko wow thooh ki laad, lada ymtoh ka rel kit bru (Passengers Train) ye wow pynpoi chwa da ki rel kit mar (Goods Train) hadooh ha Byrnihat wow pynsuk ya ki paidbah, deiwa pynsñiaw wa ka jylla da maad ko ya kiwa boon i eh i khoo deiwa e nongmuna heipor wa em i khang chnong nei wan ka khlam COVID-19.

Da ong u wa da chem chitom bha wow yaklam ya ka luti rel, neibhah wa yatoh ko leh wa i dawa pynkrehkaam ya ka Inner Line Permit ya iwa ka sorkar pyrdi ympu jubab ko neibhah wa dang em i kaam hapyrdi i yaklam hadooh katni.

Chooh chooh da ong u wa i wanrah ya ka luti rel ha ka jylla toh ka bynta wa jwat neibhah wa man ko i kaam wa da slem wei ka sorkar ymye ko wow pynbait pyn kattæ hiwot, tangwa da pyrchang katwa ye wow thooh ki laad ki luti kamwa da leh ko ha kiwi ki phang wa emkaam hapoh ka jylla, lada hei wow pynbait ya u pood, ka ILP, i pynpsiah ya ka ktien Khasi ha 8th Shedule, ka Them Metor wa kiwi kiwi.

Da ong u wa ka sorkar da burom ko leh ya i sñiawkhia ki seiñbhalang na i wan psiah ki bru na baar jylla lada wan ka luti rel, wei i thmu wow pynpoi chwa tang ya ka rel kit mar toh wow myntoi ki paidbah wa kiwa chong chnong, wei lada ye wow pynpoi ya ka luti kit mar, i yaklam u lai i chaphrang heiwa kammon wow wanrah sa ya ki rel kit bru.

Hawa kylli, u Conrad da ong u wa ka sorkar kwah ko wa ka rel kit mar u poi lang ko ha Ri-loom Garo kamjooh leh ha Khasi Jaiñtia, deiwa pynrap wa i em ka luti rel kit mar ha Mendipathar da yarap bha ko wow kyntu kynrong ya i yoh i laa kiwa chong chnong ka thaaiñ neibhah ki mar da hiar dor bha ki hawa nujor wa kiwi ki thaw wei da kyrmen wa ini daw man i ka nongmuna leh lada wan ka rel kit mar hadooh ha Byrnihat.

Share this:
Previous

Wai u Conrad ya ki kamra puræ ha ki ar tylli ki skur ha Mendipathar, NGH

Next

Ym em leh jhan, ka Congress hei por yong ka ym em leh ko iyi iyi ya u pood: Conrad