15 49.0138 8.38624 1 0 4000 1 https://wyrta.com 300 0
Advertisement ad1

Wai u Conrad yaka Green School kawa em ya ki Smart Classroom ha New Tura School

0 Comments

Tura: U Montri Rangbah ka jylla u Conrad K Sangma ynne da wai u yaka Green School kawa em ya ki Smart Classroom hapoh ka Project Star ha New Tura Secondary School, Tura hei emlang u Adviser yong oo uwa man leh u MLA ka North Tura, u Thomas A Sangma, u Deputy Commissioner ka West Garo Hills, u Ram Singh, kiwa sikai, ki khynnah skur wa kiwi kiwi.

U Conrad hei klam yong oo da yaroh u ya u Deputy Commissioner, West Garo Hills, u Ram Singh wa ki wakreh yong oo kiwa da chna pynmiat ya ka yung skur deiwa booh leh ya ki Smart Classroom hapoh ka Project Star, wei da pynchlur u leh ya u DC wow pteiñ u kam kini ki kaam wa bha neini chakhmat. Da kynmoo u leh ya ki ktien wa jooh ong u pa u u PA Sangma wa lada kwah phi u yoo yei kylla hapoh ka jylla, ye u leh du daka puræ puthi wei manda man ki bur kiwa da stat daw em ki leh ya i kitkhlieh.

Da ong u leh wa ka sorkar da booh ko hakhmat yow pynbha pynmiat yaka puræ puthi deiwa mang poisa T. 1400 Klur. Da pyntip u leh wa hapoh ka jylla da em 60,000 ngut kiwa sikai wa 12,000 tylli ki skur wei man ko leh iwa eh yaka sorkar wow pynbiang ko ya iwa emkaam yong ki waroh tangwa ka sorkar suki suki daw ye ko u leh ya ini.

Da sneiñ u leh ya ki khynnah skur wow chimkabu ya ki tiar ki tar (Smart Facilities) wa em ha kani ka skur ki yow yarap ya ki haka puræ puthi wei wow em ki ka thong ya iwa kwah ki u man yow man ki kiwa pynku yaka imlang sahlang.

U Deputy Commissioner, West Garo Hills u Ram Singh hei klam yong oo da khana u wa i chna pynmiat ya kani ka skur da leh da ka bor District deiwa ya krehlang waka IBDLP, SCSTE waka NHIDCL hapoh ka Corporate Social Responsibility. Da kynmoo u leh wa heipor wa lai u cha kani ka skur ynnin u snem da chem u wa man ko kawa da sih bha wei sujan oor ko wei da em leh kiwi ki skur hapoh ka District wa da dep chna pynmiat wei da khut u leh ya kiwon kiwon kiwa kwah wow leh ya ini i jooh i kaam ka wow yarap ya ki khynnah skur.

Chooh chooh da pyntip u leh wa da chna leh ha kani ka skur wow pyllang yaka um slap, ka kpær thung jhoor, ki Solar Lights wa kiwi kiwi de nalor wa booh leh ya ki Smart Classroom.

Ya kani ka skur da sdang nadooh u snem year 1974 da u (L) Limbert K Sangma katwa ya i thaw da e mynkna da u Nazing Nokma, Nokma ka Danakgre A’king.

Advertisement ad1
Advertisement ad1

0 Comments

Leave a Reply