Jowai : Ki ar tylli ki chnong wa em rap cha kdong hapoh ka Amlarem Block kitæ ka Moosakhia wa ka Samanong da pynsniaw ki yei kmen ki wa da yoh ki yaka yung Hall.
Kani man ko kam i angnood ki paidbah ha pyn ar tylli ki chnong kam wow saiñdur yei bha i miat wei roi i par yong ka chnong ka thaw.
Da yoh ya ki artylli ki yung lyngba ka skhim BNRGSK wa da mang poisa hadooh T. 10 lak.
Ya kini ki yung da wai paidbah da u MLA ka 7-Amlarem Constituency u ma Stephanson Mukhim kam u kongsan hei emlang u BDO ka Amlarem Block u ma Budsuk Sungoh, Dr D. Lyngdoh, u Engineer ka PWD u ma K. Nongrum wa kiwi kiwi.
Hei klam kam u kongsan u ma Stephanson Mukhim da yaroh u yeiwa da kini ki ar tylli ki chnong wow pyndep ya ka yung wei da kyntu u ya ki paidbah wow pynemkaam hok ya kini ki yung wow saiñdur ya ka bha ka miat ka chnong ka thaw.
Discussion about this post