Wai u MDC ka 12 Barato Mukroh ya ka Community Hall ka Matdieng-Iongkynshur

Jowai: Ha ka 30 tarik u bnai wa da dep, u Riioo Sten MDC ka 12 Barato Mukroh da wai u ya ka Community Hall ka Matdieng-Iongkynshur hei emlang ki waheh chnong kini ar chnong deilang wa ki paidbah wa chong chnong.

Ha kani ka sngi wow sah kynmoo ya kini ki ar chnong da pynman ya ka yalang kawa pynlai yaka da u Chairman ka chnong pyllun u Marbait Lamarei. 

Da yoh yei klam na ki 5 ngut ki waheh wasian ki ar chnong wa kynthup ya u waheh chnong ka Maitdieng u M. Suchiang wa u waheh chnong ka Iongkynshur u ED Sariang chwa wow klam u MDC yow ah Ribbon ya kani ka Community Hall.

Kiwa klam da yaroh ki ya u Riioo Sten uwa da yarap wow pynyoh ya kani ka Community Hall heiwa u Dolloi ka Elaka Shilliang Myntang u K. Sariang da pynsñiaw u yei sñiawngooh ya u Riioo Sten wada pyrkhat u ya ki waroh ki chnong wa em hapoh ka Constituency wa da pynyoh u ya ka Scheme paidbah hapoh ki ar sien wa da man u kam u MDC wei da yoh u yoo dei khmat wa katni da yoh Community Hall, kamtæ u Dolloi da e khublei u ya u MDC  deiwa e ya i kyrkhu kyrdoh wa u jop biang u sa ha kani ka kynti khnang wow  yoh laad u pyndep u ya ki kaam wa dang sahteiñ hapoh ka Constituency.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ini toh katkam wa pyntip ki waheh chnong ka Matdieng waka Iongkynshur.