Wai u MDC ka Nongbah ya ka Shopping Complex wa chna na ka SACS

Jowai: Ka Balang Presbyterian Nangbah da yoh ko ya ka Shopping Complex wada wai da u S. Garod MDC ka Nongbah Constituency ha i sakhi ki waheh ka Balang ha ka yalang wa da pynman ynne ka sngi.

Ha kani ka sngi da emlang nadooh u Pastor In-charge u Rev DSS Nongrum kam u Chairman ka Balang, ki Tymmen Wasan deilang wa kiwa chong dukan, wa ki paidbah heiwa da e pyrtuid ya kani ka Complex kam ka Kshu Thubru Shopping Complex  ya kawa da chna da ka JHADC hapoh ka Special Assistance Central Scheme 2015-16.

Ha kani ka yalang da yoh yei klam na ki kattu katni ki Tymmen Wasan heiwa da e i sñiawngooh ya u MDC wa ya ka JHADC wa da ye u wai ya kani ka complex ka wow e yarap ym du ya ki khon ka Balang tangwa wot ya ki para chnong waroh.

U S. Garod hei klam da e yaroh u ya kiwa pait wa pyllai ya ka Balang Presbyterian kiwa da ye u pyndep smat wow chna ya kani ka Complex.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024