15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Hadooh 21 tylli ki manyung wa dooh chah biah sia lieh ki ha Raliang Constituency: HANM – LBC
U Inspector ka Tax uwa man leh u Secretary warim u MLA da yoh u T. 50,000 wow thied Computer

0 Comments
Advertisement ad1

Shillong: Hadien i thung kreh ya kiwa sikai da ka luti kawa man pyrchah ya ka aiñ katni nawon da mih sa i biah sia lieh hei yatoh wa i chna yung ki wa dooh ha ri-loom Jaiñtia.

“Katkam ka RTI wa da yoh pdiang da ka seiñ yong u snem 2008-09 hei yatoh wa ka Raliang Constituency heipor wa man MLA u Coming One Ymbon, da chem wa boon na ki manyung na ki chnong waphær waphær hapoh kani ka Constituency kiwa dooh wa duk wei kiwa em hok wow yoh myntoi na ki scheme chna yung da chah biah sia lieh ki”, da ong u Emjingmut Law, President ka HANM-Laskeiñ Block Circle.

Da ong u leh wa ka seiñ da yoo ko yei ñiaw chilliang uni u MLA ha kitai ki por.

Hawa pynbaad ya uni uwa mihkhmat, u Emjingmut da ong u wa ka seiñ da chem ko wa hadooh T.20,85,500 kawa da wiar na ka scheme SRWP-2008-09.

Da pyntip u wa katkam ka RTI wa paan ka seiñ ha ka 9 Naisan uni u snem da chem wa ka poisa wa da saam wow chna yung toh du T. 27,000 tangwa katkam ka hukum ka Ministry of Rural Development toh u saam T.48,500.

Ha iwi i liang ka seiñ da beiñ joor ko ya uni u MLA uwa da e leh T.50,000 neibynta wow thied computer u Inspector ka tnat Sales Tax yong ka Umkiang, u S. Pohthmi uwa ha kini ki por (2008-09) man u kam u Secretary yong oo, iwa da pyn phylla leh ya ka seiñ.

Da pyntip u Law wa em hadooh kamwa 21 tylli ki pyrtuid na ki manyung wa toh u yoh ya ka scheme chna yung tangwa da chah biah sia lieh ki, deiwa pynbaad wa heithaw yong ki da pyndap da kiwi tawon ki pyrtuid wa da jied da u MLA.

Advertisement ad1

0 Comments

Leave a Reply