U Prime Minister Narendra Modi ynne da wai u ya ka Rani Kamalapati Railway Station wa em ha Bhopal kawa dang dep pynchna thymme wa kiwi de ki kreh wa yatoh wa ki rel ha Bhopal, Madhya Pradesh wa kynthup wow pynkylla deiwa pynemkaam bordiñ (Electrification) neibynta ka Ujjain-Fatehabad Chandrawatiganj Broad Gauge Section, u chna sa kawi la luti rel (kawa le) ha ki bynta ka Bhopal-Barkhera Section, i Electrifiction ya u Mathela-Nimar Kheri Broad Gauge Section waka Guna-Gwalior Section. U Prime Minister da kaweh lama u leh ya ar tylli ki rel wa thymme kiwa tip kam ki MEMU Train kiwa lai na Ujjain-Indore wa Indore-Ujjain.
U Modi hei klam yong oo da ong u wa 6-7 snem nachwa, kiwon kiwon kiwa hap wow pait ya ka Indian Railways ym dam ki wow tim ka wei da dooh kyrmen ki wow pynkylla noh ka. Tangwa manda krehlang deiwa booh ya ka thong ye hi wow wanrah yei kylla.
Da ong u leh wa ka Rani Kamalapati Railway Station toh kawa nyngkong dooh wow yoh ya ka ISO Certificate wei kawa nyngkong kawa da chna deiwa ya krehlang wa ki bru samen namo ka PPP Model. U Modi da kdaw u leh wa i rukom pdiang ya ki paidbah wa em hapoh ki Airport katni da em leh hapoh kani ka Railway Station.
Chooh chooh da ong u wa ka Indian Railways ym du wow pynyabi ko ya ki thaw wa jngai, da man ki leh ki laad wa yarap ha ki kaam uiñke suwari wa ha ki kaam wa yatoh waka niam. Kamtæ da e khublei u ya ka Indian Railways wa da bien ko wow pdiang yein i kylla.
