U MDC ka Musniang-Rangad uwa man leh u EM In-charge ka Civil Works Department ka JHADC, u Phasmon Dkhar ynne ka sngi da wai paidbah u yaka Shopping Complex ka Balang Presbyterian Nangbah, West Jaiñtia Hills District, ya kawa da chna lyngba i yoh yarap naka Scheme SAG ka JHADC yong u snem 2019-2020.
Da wai ya kani ka Complex hei emlang ki Tymmen Wasan, ki Rangbah Balang, ki dkhot ka Balang, kiwa chong dukan wa kiwi kiwi de.
Neiliang kiwa yahkhmat ka Balang da pynsñiaw ki yei sñiawngooh ya u Blai, ya u Phasmon Dkhar kamjooh ya ka JHADC neibhah wa kani ka Shopping Complex wym du wow e yarap ko yaka Balang tangwa wot ya kiwa chong chnong hi waroh kawi.
Heijooh i por ka Balang da pyneh bok pyneh nasib haroh ko ya u MDC wei wow emlang u Blai chirup wa oo ha ki kaam wa chakhmat kamjooh wa ka yung ka sem yong oo.
Neiliang u Phasmon Dkhar hawa e yei klam kam u kongsan da ong u wa kam u EM yong ka JHADC man u uwa smat wow e yarap cha ki paidbah ha iwon iwon i por lada chah ka laad ya oo.
