Ka dukan ka jylla Meghalaya kawa tip kam ka The Meghalayan Age Store, da wai ya ka ynne ka sngi kawa em ki mar wa boon jait nadooh ki kchu Larnai, ki Ryndia, u Chyrmit Lakadong, i um-ngap, i Jam wa chna na u Sohiong wa kiwi de.
Ya kani ka dukan da wan wai da u Piyush Goyal, Union Minister for Textiles and Commerce & Industries, deiwa emlang u Montri Rangbah ka Meghalaya, u Conrad Sangma wa kiwi de ki heh sorkar Meghalaya.
Neiliang u Conrad da ong u wa ka Meghalaya em ko ki bru wa pnah bha wow chna ya ki mar kamjooh ki warep wei deiwa em kani ka dukan daw yohlaad wow dai ya ki mar cha kiwa boon kiwi ki bru wa em hapoh ka ri.
Neiliang ka R. V. Suchiang, IAS. , Chief Secretary ka Meghalaya da ong ko wa i pyrtuid “The Meghalayan Age” da man ko kam ka rynsan ya ki bru ka jylla kiwa thaiñ, kiwa chna tiar chna tar yow ye ki wow dai yei mar yong ki kamjooh yow pynchlur ya ki wow chna da kiwa miat tam.
Ini i dukan toh kiwa em ha Rajiv Gandhi Handicrafts Bhavan ha Baba Kharak Singh Road, Connaught Place, New Delhi.
