U Symbood Montri Rangbah ka jylla uwa pait leh ya ka chnat PWD (Roads), u Prestone Tynsong ynne da wai u ya ka yingkieñ wa lai naka Wahumkhrah ha Weiking, Shillong deiwa emlang ki MLA u P T Sawkmie, u Adelbert Nongrum wa u Pyniaid Sing Syiem, u MDC ka Mawlai u Teibor Pathaw wa u Chief Engineer (NH), PWD (Roads) u G K Marak wa kiwi kiwi de.
Hawa e yei klam wa tbain, u Prestone da ong u wa kani ka yingkieñ daw pynsuk ko yow pynkyllooid yei khynnia kari wei daw pynmyntoi ko ya kiwa chong chnong ka Mawlai, Jaiaw waka Shillong kamjooh. Da pyntip u leh wa i kreh da slem wow pyndep neidaw wa em ka khlam COVID-19 kawa da ktah leh ya kiwi kreh kiwa boon hapoh ka jylla.
Kani ka yingkieñ da chna hapoh ka Central Road & Infrastructure Fund (CRIF) neibynta u snem 2018-19 hei dor wa T. 5 Klur
U Prestone Tynsong ynne ka sngi da wai u leh sa ya kawi ka yingkieñ kawa dang dep chna thymme kawa jrong 24.75M ha Umpling kawa da chna hapoh ka CRF (2018-19), heiwa da emlang u MLA u Pyniaid S Syiem, u Charles Pyngrope, u A L Hek, ki heh ka chnat PWD wa ki dkhot ka dorbar chnong.
