theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Wai u Conrad ya ka Sohiong Market Complex kawa T. 12.9 Klur

Advertisement ad1

U Montri Rangbah ka jylla, u Conrad K Sangma, ynne da pynsñiaw u yei kmen hawa wan wai ya ka Rural Market Complex ha Sohiong heiwa da ong u wa kani ka yaaw daw yarap ko ya ki warep wei ka sorkar da pyrchang ko wow kyrchaan ya ki khnang wow yoh ki ya i dor wa biang katkam ki mar wa pynmih ki.

Ha kani ka sngi da emlang u Montri ka chnat C&RD, u Hamletson Dohling, u Samlin Malngiang, MLA, ka Sohiong, u Gavin M Mylliem, MLA ka Sohra wa kiwi kiwi. 

“Ka sorkar lyngba ki kreh waphær waphær da yaleh ko wow e yarap ya ki warep,” da ong u Conrad. 

Da kyntu u leh ya ka Hima Sohiong, ki warep wa ki paidbah ka Sohiong wow pynemkaam hok ya kani ka Rural Market khnang wow yoh myntoi waroh lang. 

U Conrad da pynbna u leh ya ka kari kit jhep namo ka Waste Collection Vehicle lyngba ka CMSDF ya ka thaaiñ deiwa pynrap wa lada emkaam ya i thaw noh-jhep, ka sorkar da man ko kawa smat wow yarap lyngba ka Swachh Bharat Mission. 

Chooh chooh da ong u wa ka thaaiñ Sohiong da pynmih ko ya kiwa boon ki khloor yalehke Sports kamtæ daw chna noh leh ya ka Sports Stadium ha Sohiong. Da pyntip u leh wa da mang T. 3 Klur yow chna ya ka yung krehkaam wa thymme ka Sohiong Block. 

Ha kani ka sngi da e leh T. 47,75,000 cha ki 73 tylli ki seiñ ki warep namo ka Producer Groups hapoh ka FOCUS. 

Ya ka Sohiong Rural Market Complex da chna lyngba i yoh poisa na ka NEC wa BASIN ha i lut wa T. 12.90 klur heiwa da em 112 tylli ki dukan chirup wa ka Cold Storage wa ka thaw booh kari. Daw yarap ko u kynjoh ya ki boontylli ki chnong ka Hima Sohiong, Nongspung, Nongkhlaw, Mylliem wa Mawphlang.

Share this:
Previous

Mar ya joor slap chlai um wot u sarokbah ha Lumshnong

Next

Wai u Prestone ya ar tylli ki yingkieñ ha Shillong