15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Wai u Rajnath ya i thaw chna ya ka Light Combat Helicopter

0 Comments
Advertisement ad1
Advertisement ad1

Kam chibynta yong ka ‘Make in India’ ka sorkar pyrdi, ynnin u montri yada ri, u Rajnath Singh da wai u ya ka thaw wow chna lieñsuiñ ñiangkachiah wa tip leh kam ka Light Combat Helicopter Production Hangar ha Helicopter Division ka Hindustan Aeronautics Limited (HAL) Complex, Bengaluru, Karnataka.

U Rajnath hawa e yei klam da yaroh u ya ki kaam ka HAL wada leh ko neibynta ka ri.

Da pyntip u wa i dai tiar yaleh ka India da ku i cha ka T. 17,000 klur ha ki 2 snem wa da lai heiwa da booh thong wow ku i cha ka 35,000 klur ha ki snem wow wan.

U Chairman and Managing Director, u R. Madhavan da ong u wa ka LCH da man ko kawa dadep chna pynwandur wei da ye wow dai ya ka wei kani ka Helicopter Complex u yarap ko wow chna ya kini ki LCH.

Da ong u leh wa kani ka thaw thymme daw yarap ko wow chna hadooh 30 tylli ki LCH ha ka chi snem.

Neiliang ka HAL da pyntip ko leh wa dang pynwandur ko ya ka Indian Multi Role Helicopter (IMRH) ki wow man salan ya ki Mi17, Kamov waka Seaking manda pynchong noh ya ki ha ki 8-10 snem.

Ka LCH toh kawa khia 5.5 ton wada chna da ka HAL wei ha ka da pynemkaam ya ar tylli ki kor Shakti Engine wei sariem ko leh wa ka Advanced Light Helicopter. Ya ka LCH ye wow pynemkaam ha Siachen wei ye ko u hær hadooh 4,700 meter chajrong wei ye ko u kit hadooh 500 kilo ki tiar.

Share this:
Previous

Da pynman ya ka Legal Awareness Programme

Next

Lyngba u WhatsApp ye u ujor ya ki kari wa khlai tdem palat pood