Ka yakob khwe dakha kawa dapoi waroh T. 60 lak ka song poisa wa da pynman da u Perit Lyngdoh kawa man leh kawa heh dooh ha Ri-loom Jaiñtia da pyndep ya ka ha ka 16 tarik uni u bnai deiwa wan chimbynta da palat 5000 ngut kiwa khwe.
Ya kani ka yakob khwe da pynman ha ki nan u Maiat Muksor kiwa em 5 tylli heijooh i thaw ha Mynsngat Mootha, West Jaiñtia Hills District.
Ka yakob khwe ha kani ka kynti leh da man ko kawa lai bait lai ryntih heiwa ya ka 1st Prize kawa T. 5 lak da yoh da uwa na Mairang, ya ka 2nd Prize kawa T. 3 lak da yoh da uwa na ka chnong Smit katwa ya ka 3rd Prize kawa T. 2 lak da yoh da uwa na ka chnong Namdong.
Ya kiwi ki khusnaam kiwa mar T. 1 lak samen wa em 46 tylli kiwa boon da yoh da kiwa na Khasi Hills wa kiwa War Jaiñtia.
Da saam leh ya kiwi ki khusnaam wa mar T. 10,000 samen kiwa em 20 tylli kam ki Consolation Prize waka T. 50,000 cha uwa yoh ya ka Prize wa 51, ka T. 30,000 cha uwa yoh ya ka Prize wa 52 wa T. 20,000 cha uwa yoh ya ka Prize kawa 53.
Neiliang u Perit Lyngdoh deilang wa ki lok u kiwa da embynta lang wow pynman ya kani ka yakob khwe da e khublei ki ya waroh kiwa da wan wow ya chimbynta.
Discussion about this post