Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia District Sports Association (WJDSA) ynne da sdang ya ka Quarter Final deiwa pynman kawi ka yalehke.
Ha kani ka yakhun psiah Semi Final, ka Madan Thadmuthlong da jop suk ko yaka Mookyrdup da 4-0.
Ya ki kool ka Madan Thadmuthlong da wan lyngba ka Hat-Trick na u Precious Tang uwa da thap ha ka minit wa 42, 59 wa 74 wa u Manhok Suchiang haka minit wa 45.
Ki Quarter Final wa dang sah u pyndep mynstep syndon da le tylli kiwa man kamni ha wah:
Ka Mukhla Umlangchor u yachem ko waka Newhill heipor 11:00 waje i step, ka Pateinki Sabah u yachem ko waka Moodop Royal heipor 1:00 waje i sngi wei daw pynkut da ka Madan Kynsaw waka Da-I-Hi-Mynsngat heipor 3:00 waje i sngi.
Ki Semi Final toh kiwa daw pynman waroh ar ha kani ka 21 tarik.
Discussion about this post