15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Wan chibynta chongchit da kiwa boon haka Car Rally ka East Jaiñtia Hills

Advertisement ad1
Advertisement ad1
Advertisement ad1

Ka District Legal Services Authority, East Jaiñtia Hills District chirup wa ka yung krehkaam u Deputy Commissioner, East Jaiñtia Hills District, u Superintendent of Police wa u District Transport Officer da pynman ki ya ka Car Rally hajrong ka phang “Safe Driving Habits”. 

U D.S. Marbaniang, Chief Judicial Magistrate cum Secretary DLSA, Khliehriat wa u E. Kharmalki, Deputy Commissioner da kaweh ki ya ka lama sdang ya ka Rally na Destination Hotel, Mookhep cha Byndihati wei da uiñ biang cha Khliehriat Higher Secondary School.

Hadien ka Rally, da em ka yalang pynsñiawthooh paidbah hajrong ka phang “Safe Driving Habits” ha Khliehriat Higher Secondary School Campus heiwa da yoh yei rwai na u Eladmitre Dkhar.

U Marbaniang hawa e yei klam da khana u yei daw wa pynman ya kani ka yalang toh wow em i bahkhlieh ki bru hawa yah kari ki. Da kyntu u ya ki paidbah wow batai wei wow pynsñiawthooh ya kiwi wow bood ya ki kyndon ka aiñ. 

U Motor Vehicle Inspector, u F. Shadap da khana u ya ki laad wow bood hawa yah kari wei wow bood ya ki dak maham wa da booh ha sarok. 

Neiliang u J.S. Mairom, Deputy Superintendent of Police, da kyntu u ya ki paidbah wow bood thij ya ki kyndon yah kari wow dam u yaknieh chwa (Overtaking), wow pynyieñ ya ki kari ha ki thaw wa da booh wei wow ngait yeiwa kdaw wa pynyoo ki pulit. 

Kiwi kiwa da klam toh u Dr. D. Shylla, District Medical and Health Officers, u J. Tariang, EE, PWD (Roads), NEC Khliehriat wa u D. Diengdoh, Vice Principal, Jaiñtia Eastern College. 

Ha ka Rally da wan chimbynta chongchit da kiwa boon kam naka Jaiñtia Cycling Forum Jowai, Little Star School, Jaiñtia Eastern College, Riders Tribe from Rymbai, Tuber Bikers and Tours Association, EJAMSA Khliehriat, Lad Rymbai Indica Association, East Jaiñtia Taxi Owner and Driver Association, East Jaiñtia Hills District Tourist Taxi Association wa ka Friends Ride na Jowai. 

Ha kani ka sngi da e leh ya ki khusnaam cha kiwa jop ha i thoh Slogan wa Essay kamjooh leh cha ka Best Customized Car wa Best Customized Bikes kiwa chimbynta ha ka Rally.   

Ha kani ka sngi da pynman leh ya ka Free Medical Eye Check Up da ka Bansara Eye Care Centre, Shillong. 

Share this:
Previous

Jop ka Umshangiar ha ka T20 Open to all Cricket Tournament yong ka AJCA

Next

Dawa booh ATM ka FKJGP ha ki thaaiñ Chilliangraij, Jowai