15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Wan e yarap ka United Sikh cha ki bru was ah ha Them Iewmawlong, Shillong

0 Comments
Advertisement ad1

Shillong: Ka seiñ ‘United Sikh’ na Bangalore ynne ka sngi da saam ko da u kew, ata wa kiwi kiwi ki marbaam cha ki bru kiwa sah ha Them Metor kam chibynta wow e kyrchaan ya palat 350 tylli ki manyung kiwa da chah ktah na i awri ha ki sngi wa dadep ha sor Shillong.

Hawa yaklam wa kiwa pathai khubor, u M. Singh uwa man u coordinator ka United Sikh da ong u,“I wan i heini wow kyrchaan ya ki payu yong i wei i thmu yong i toh wow wanrah ya i chongsuk i chong saiñ rap smat katwa ye i”.

Da pyntip u wa ha i yachem wa u montri rangbah ka jylla, u Conrad Sangma ha ka 5 tarik uni u bnai, da kyrpaad wa toh u khut yalang hapyrdi ki wa yahkhmat chnong wa kiwa yahkhmat ka United Sikh’ chirup wa kiwa yahkhmat ya waroh ki Sikh.

“Em bait ka laad wow pyndam ya i eh ha miej yaklam wa kiwa kitkaam chnong, wei ya ini i eh daw ye u pynwiar smat”, da pynrap u deiwa ong neiliang yong ki hi, ki kwah ki wow wan biang i suk khnang wa ki paidbah u yoh ki u pyndep ya ki kaamram wa man ka sngi.

Da ong u wa ha kani ka kynti dang lai ki chakhmat wow yoh yaklam wa kiwa kitkaam chnong wei yooluti wa daw man ko manda wan biang i chongsuk ha Shillong.

Da ong u wa ki Sikh da im ki heini nadooh wa synchaar ki pharæng wei ha i tip yong oo ymtoh u kyrriah ya ki Sikh cha kawi tawon ka thaw wei neiliang ka United Sikh da kyrpaad ko ya ka sorkar wow elaad wow chna ya ki yung kiwa heh wei kiwa yoosuk khnang wa kani ka thaw u man ko kawa khooid wei kawa yoosuk.

Chooh chooh da ong u wa ki Sikh ha kylleiñ kwah ki wow kyrchaan ya kani ka yumut wow chna ya ki yung kiwa heh wa kiwa yoosuk wei ye u leh yeini lada ebor ka sorkar.

Ha iwi won i liang, uwi na kiwa yahkhmat ki Sikh wa sah ha Them Iewmawlong da ong u wa ka sorkar toh u kynthup lang ko ya kiwa yahkhmat ki Sikh na Themmator wow embynta ha ka High Level Committee, ya kawa da thung da ka sorkar wow pynwiar yei eh i khoo waroh.

Advertisement ad1

0 Comments

Leave a Reply