Jowai : U Scientist ka ICAR u Heiplanmi Rymbai ynne ka sngi da wan esikai u ya kiwa rep sy-iñ wa kiwa rep chyrmit ka Laskeiñ waka Thadlaskeiñ Block haka yalang wa pynman daka Basin Development Unit ka West Jaiñtia Hills hei yakrehlang waka Spice Board ha District Library Auditorium, Jowai ynne ka 20 tarik.
U ma Rymbai da pyntip u wa na waroh ki jait jhoor wa rep hapoh ri India ki musli musla toh kiwa joor dooh wa emkaam cha ki yaw ki hat. Ong u wa emkaam hadooh 650 Million tonne hapoh ka ri hadooh wa poi u snem 2020 wei naki snem cha ki snem ku i pynmih ya ki Musli Musla du 8% don hi. Kamtæ lada rep bha kam ya u chyrmit wa u sy-iñ i nong toh wa yoh lap bha khamtam ya u chyrmit uwa da tip kam u Lakadong Variety uwa da pawnaam yei miat u ha waroh ka ri India wa chabar.
U ma Rymbai da sikai u thij pa thij ya kiwa rep nadooh ipor thung ya ki symbe wa ya ki jait symbe wa ye u yoh nong bha deiwa ong wa ym toh u jied yaki symbe kiwa heh emkaam ki u jrong kamwa 4 næ 5 cm wei u khia ki kamwa 23-30 gram. Da sikai leh cha ki warep nadooh i rukom pynkhreh ya ki chyieñ deiwa booh chwa ki ha ka um wa iñ kamwa 40 Degree wei yow thaad yaki ha i thaw wa ym yoh ka sngi ki.
Da sikai leh kamon u thung ya ki chyieñ katwon u jngai na iwi heiwi hadooh wa katwon sien emkaam u e um yaki wei yei por u e sboh kam i Urea, SSP, MOP wa u kynmoo u e sboh hadien wada dep ki u thied u sooh thaw neibhah lada e chisien e hadein wa dep thung waroh i sboh u man i iwa sepai lada ki thied ym yoh ki u riñ ya i sboh. Tangwa pynchlur u yow leh ya ka Organic Farming.
Ha kani ka yalang da em kamwa 200 ngut ki warep kiwa da yoh laad leh u kylli pynche ya kiwa boon wa kwah ki u tip yow yarap u pynku yei rep i riang wa i nong yong ki.
Discussion about this post