15 49.0138 8.38624 1 0 4000 1 https://wyrta.com 300 0

Wan ka CCBI cha Shillong wow takit hajrong i chah pynbaad jrong-kti uwa kreh niam ha Shillong

0 Comments
Advertisement ad1

Jowai: Ka Congregation of Christian Brothers India (CCBI) da phah kyrwoh ki ynne ka sngi wow pyntip wa ki Christian Brothers da tip yei chah pynbaad u dkhot yong ka lyngba ka Facebook wa da leh khlemakor u ya kawi ka kynthai kawa da phla hapoh ka yakhih #metoo.

Ki Christian Brothers da ong ki wa ki yieñ ki wow kyrchaan ya kiwon kiwon kiwa chah leh khlemakor kiwa haap im sñiawsih nei chah ktah ha kam kini ki kaam. Heijooh i por da ong ki leh emkaam wow ap ya waroh arliang nadooh uwa chah pynbaad kawa man katkam i rukom krehkaam namo ka Protection Policy- ‘Safeguarding Children and Vulnerable Adults.’

Da ong wa kani ka Policy toh kawa pait wa takit ya ki kaam chah lehbeiñ chah leh khlemakor nadooh ki por warim hadooh wa katni yow ye kiwa chah ktah ha kani ka kaam wow yoh ki yei hok kamjooh i suk mynsien deiwa chem yei hok wei kyrchaan ya kiwa chah ktah kamjooh yow pynchitom ya kiwa emkti.

Kamtæ ka seiñ da ong ko wa u lai ko chakhmat katkam ka Policy yong ka yow chem yeiwa sakhiat wei hanlada ka u pynman ko ya ki yong ka hi ki takit u krehlang hi ko wa ki bor ka aiñ.

Ini toh katkam wa pyntip u Br. J. Johnson uwa man kam u Society Protection Officer Professional Ethics Commission, CCBI.

Advertisement ad1

0 Comments

Leave a Reply