Wan kær ki pulit wa ki CRPF ya ka thaw pynman yakhih ka KSU ha NEIGRIHMS

Ka Khasi Students Union (KSU) ynne ka sngi da pynman yakhih ko deiwa chong kyllaiñ myngngor hakhmat ka NEIGRIHMS ryngkat ki Placard yow pynsñiaw yei pyrchah ya ki bor pynlai ya kani ka Hospital hajrong i thung kreh.

Mar jia ini, ki pulit wa ki CRPF da kær kut ki ya ka NEIGRIHMS ha ki thaw wa ki dkhot ka KSU da pyman ki yei yakhih.          

Ka KSU da pyrchah joor ko yei wanrah ya ki Nurse kiwa na baar jylla yow thung kreh ha kani ka thaw sumaar deiwa wan nadooh Rajasthan wei da dawa wa toh u e bhah rap boon ya ki tre chnong ka jylla.

Neiliang ki Magistrate da yaklam ki wa kiwa yahkhmat ka KSU hajrong ini i yakhih yow mih noh ki na katai ka thaw.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Ka seiñ da ong ko wa ka sorkar jylla ymtoh u sait khooid ko wym ye u tuklar ya ka NEIGRIHMS neibhah wa kani toh kawa em hapoh ka jylla wei em ko ka hok wow tuklar neibynta i bha i miat ki tre chnong.

Kam wow pynkynmoo wa ki bor pynlai ka NEIGRIHMS da dawa ki wow yada da ki CRPF hadien wa ki seiñbhalang wa kynthup ka KSU, ka Hynniewtrep Youth Council (HYC) da lai ki wow tuklar hajrong i thung kreh ha katai ka thaw sumaar, neibhah wa ki tre chnong ym yoh ki kamwa da toh u yoh bhah ki.