Ka National People’s Youth Front (NPYF), East Jaiñtia Hills Unit da pynman ko ya ka Free Medical Camp ha chnong Huroi ha ka 7 tarik deiwa ya krehlang wa ka Downtown Hospital, Guwahati, Assam.
Ha kani ka Health Camp da emlang ka MLA, ka Santa Mary Shylla kawa da e yaroh ya ka NPYF East Jaiñtia Hills yei ki u wanrah ya kiwa kreh, ki Doctor ka Downtown Hospital cha kani ka chnong wa em cha kdong cha chmiang heiwa da yoh mytnoi bha ki paidbah.
Da ya emlang ha kani ka sngi wa u Daiapherbha Lamare, Secretary, NPYF East Jaiñtia Hills District Unit, u Nikhilesh Sarma, Business Development Manager (BDM) ka Downtown Hospital, Guwahati wa u Iaikmenlang Lamare, Radiology Department, Downtown Hospital, Guwahati.
Neiliang u Daiapherbha da pynsñiaw yei sñiawgooh ya ka Downtown Hospital yeiwa da wan ki yow pynman ya kani ka kaam kawa jop.
Neiliang ka NPYF East Jaiñtia Hills da kular ko wow pynman chooh chooh kam kini ki kaam yow yarap yei chait i khiah ki bru.
Discussion about this post