Ka lehniam Durga Puja yong kiwa ngait niam Hindu kawa jooh pyndep chisien chisnem da man ko kawa lai bait ha uni u snem ha Shiv Mandir, Jowai.
Da sakhi wa boon ki bru kiwa da wan chimbynta heiwa da em leh kiwa dai baam wa kiwa dai tiar kyndeh wa har rukom.
Da yoh u sakhi leh wa neiliang Sarbajan “Durga Puja” Committee kawa pynlai ya ka Puja, da pynkhreh ki ya ki baam (kichdi wa i kheer) ya iwa da e baam sñiawbha cha kiwa wan cha kani ka Mandir.
Ynne ka sngi da wan pait ya kani ka lehniam da u MLA ka Jowai, u Wailadmiki Shylla, u Dolloi ka Elaka Jowai, u Puramon Kynjing, u Chairman ka Jowai Municipal Board, u LD Lakiang wa kiwi kiwi.
Neiliang u Wailadmiki hawa yaklam wa u Wyrta da e khublei u ya kiwa ngait niam Hindu wa pynman ya kani ka lehniam heiwa da ong u wa dap u leh dei sñiawkmen wow yoo wa waroh kiwa chong chnong ka Jowai wan yakrehlang ki wow pynman ya ka Durga Puja kawa lai bait.
