Ka Moodymmai Congress Unit da wan pynche ko hajrong i ong u Sngiawbhalang Dhar ha ka yalang wa da pynman ha ka 1 tarik uni u bnai wa ka chnong Moodymmai u em noh ko ha ka jooh ka satri wei neiliang kiwa chong chnong kamwa man ym sñiaw ye ki u pdiang ya kani i kam u.
Chooh chooh da ong wa katni ki sngi ym em de u biej ki paidbah Moodymmai kam ha ki por kiwa nachwa, wei katkam i ong yong u Sngiawbhalang Dhar wa u em ha ka jooh ka satri man ko i pynbiej lane i pynklumar yumut ya kiwa chong chnong ha ki kaam Politic wei neiliang kiwa kyrchaan ka Moodymmai Congress Unit pyrchah ko ya ini i ong yong oo.
Katwa kamtæ da pynche cha phi ki paidbah ka Moodymmai kamjooh leh ya phi ki paidbah ka 1-Nartiang Constituency wym hoi u ngait biej phi yei pynsñiaw yong oo wa du kiwa wa psiah ki bru ka Congress cha ka NPP katwa kiwa mih won na ka NPP ym em u khana u, kattæ leh yooluti i wa daw em biang kiwa daw mih na kani ka NPP ki wow psiah cha ka Party Congress ha uni u snem kamjooh ki snem wow wan.
Ka khubor wa da pynmih da kiwa kitkaam yong ka Moodymmai Congress Unit.
